ཐུབ་བསྟན་ཀུན་ཕན་གླིང་གླེང་བ།  ༄༅།།  ཐུབ་བསྟན་ཀུན་ཕན་གླིང་ནི་དཔལ་ས་སྐྱའི་༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་གི་བཀའ་སློབ་ལམ་སྟོན་ལྟར་བོད་བརྒྱུད་ནང་བསྟན་སྤྱི་དང་བོད་ཀྱི་རིག་གཞུང་སྒོམ་གཞི་སྲོལ་བཟང་དེ་ཉིད་མི་ཉམས་རྒྱུན་འཛིན་དང་འཛམ་གླིང་སྤྱིའི་བདེ་རྩར་གཙོ་འཛིན་ཐོག་ཕྱོགས་མཐའ་ཁག་ལ་རྒྱུད་སྤེལ་བྱ་རྒྱུའི་དམིགས་ཏེ་ཆེད་འཛུགས་བྱས་པའི་ཁྱད་མེད་ཀྱི་ཆོས་ཚོགས་ཞིག་ཡིན་ཞིང་། རླབས་ཆེན་གྱི་བཀའ་སློབ་གོང་དོན་ལྟར་ཚོགས་པའི་ངོས་ནས་ད་བར་མང་ཚོགས་སྤྱི་དང་ལྷག་པར་ན་གཞོན་རྣམས་ལ་མིག་ཏེ་ནང་ཆོས་སློབ་འཁྲིད།  སྒོམ་སྒྲུབ་ཉམས་ལེན།      སེམས་ཁམས་རིགས་པའི་གླེང་བ་སོགས་སྤྱི་ཚོགས་ནང་ཤིན་ཏུ་གལ་གནད་ཆེ་བའི་བརྗོད་གཞི་སྣ་མང་ཐོག་བགྲོ་གླེང་། ཟབ་སྦྱོང་དང་སློབ་འཁྲིད་ཀྱིས་བློ་གསར་དད་ལྡན་མང་ཚོགས་རྣམས་ལ་ཕན་པའི་ཞབས་ཞུ་གང་ཙམ་སྒྲུབ་ཁུལ་དང་།   ལས་རིམ་དེ་དག་རྒྱུད་ནས་ད་བར་མང་ཚོགས་ལ་སེམས་ལ་ཞི་བདེ་དང་ཀུན་སྤྱོད་བག་ཕེབས་ཡོང་རྒྱུ་ལ་ཕན་པ་གང་ཙམ་ཡོང་གི་ཡོད་པ་མ་ཟད་འཛམ་གླིང་ནང་མུ་མཐའ་མེད་པའི་འགལ་ཟླའི་རིགས་རྣམས་ཞི་བའི་ཆེད་བློ་རིགས་གསར་པ་ཞིག་བསྐྲུན་ཐུབ་པ་བྱུང་ཡོད་པའི་རེ་བ་ཡིན།           གོ་སྐབས་འདིའི་བརྒྱུད་ཐུབ་བསྟན་ཀུན་ཕན་གླིང་ནས་༸སྐྱབས་མགོན་༸གོང་མ་ཁྲི་ཆེན་མཆོག་ནས་བྱམས་པ་དང་སྙིང་རྗེ་གཞི་རྩར་འཛིན་པའི་བཀའ་སློབ་ལམ་སྟོན་རྣམས་བགྲོ་གླེང་། [...]